Магiлеў

Палітычным лідарам Магілёўшчыны ўдалося дамовіцца

Сумеснае паседжаньне прадстаўнікоў абодзьвух кааліцыяў прайшло 5 лютага 2008 году. Мерапрыемства мела форму нарады, прысутнымі былі рэспубліканскія лідары Кааліцыі АДС: Вінцук Вячорка, Сяргей Калякін, Аляксандар Бухвостаў, Анатоль Ляўковіч.
На гэты момант, узгодненыя сьпісы прэтэндэнтаў на адзіных кандыдатаў па кожнай акрузе. Вырашана, што дзеля абраньня адзінага, кандыдаты павінны спачатку самі сустрэцца й паспрабаваць паразумецца паміж сабою.
Па гораду Магілёву прэтэндэнтамі на адзінага кандыдата па акругам сталі:
акруга № 71 – сп.сп. Паўлоўскі (РЭП), Каваленка (ПСП), Макаранка (БНФ), Падрабінкіна (Партыя «Надзея»)
акруга № 72 – сп. сп. Шанцаў (АГП), Салаў'ёў (БНФ), Сілкоў (ПСП)
акруга № 73 – сп.сп. Зайцава (РЭП), Гвай (ПСП), Фамін (беспартыйны)
акруга № 74 – сп. сп. Сердзюкоў (БСДП «Грамада»), Расюк (БСДП «Грамада»), Пушкін (БНФ), Дарашэнка (РЭП), Новікаў (беспартыйны).

Нагадем, што раней ужо некалькі разоў зрываліся перамовы паміж дзьвума магілёўскімі кааліцыямі. Пад пагрозай зрыву была й гэтая нарада. Сытуацыю выратаваў Вінцук Вячорка, які павярнуў за стол перамоваў прадстаўнікоў ад партыі БНФ і іхных калегаў па кааліцыі, адначасова Вячорка заклікаў Сяргея Калякіна й Анатоля Ляўковіча праявіць вытрымку й стрымваць эмоцыі дзеля дасягненьня канкрэтных вынікаў.